29 июндә Ишембай районында Башҡортостан Башлығы вазифаһын ваҡытлыса башҡарыусы Радий Хәбиров «Торатау йыйыны» фольклор байрамында ҡатнашты. Күләмле сара V Бөтә донъя башҡорттары ҡоролтайы сиктәрендә Торатау итәгендә үтте.

«Бөгөн һеҙҙең менән бергә булыу – оло мәртәбә һәм ҙур яуаплылыҡ. Бынан бер-нисә саҡырым алыҫлыҡта минең әсәйемдең тыуған ауылы урынлашҡан. Бынан алыҫ түгел ата-әсәйем ерләнгән. Был минең тыуған ерем һәм барыбыҙ ҙа татыу, бай һәм бәхетле йәшәр өсөн ҡулымдан килгәндең барыһын да эшләйәсәкмен», – тине Радий Хәбиров үҙ сығышында. 

«Торатау йыйыны» байрамы тураһында беҙҙең мәҡәләлә: Ишембай районында беренсе тапҡыр «Торатау йыйыны» уҙҙы