Республикабыҙҙа «Салауат йыйыны» үтәсәк

Республикабыҙҙа «Салауат йыйыны» үтәсәк

29 июндә Башҡортостан Республикаһында Салауат районында «Салауат йыйыны» үтә. Быйыл фольклор байрамы милли батырыбыҙҙың тыуыуына 265 йыл тулыуға арнала.

Республика халыҡ ижады үҙәгенән хәбәр итеүҙәренсә, байрам барышында бер нисә сара планлаштырылған. Мәҫәлән, «Салауат әйтеше» конкурсы еңеүселәре билдәләнәсәк. Ул социаль селтәрҙә март айында башланды, 1 июнгәсә барҙы. «Салауат йыйыны батыры» конкурсы 18 – 27 йәшлектәр араһында уҙғарыла. Улар үҙенең кейеме хаҡында һөйләргә, шәжәрәһен, ырыуы батырҙарын, тамғаһын, ҡошон, ағасын, оранын һ.б. белергә, халыҡ йырын башҡарырға (ҡобайыр, оҙон көй), ҡурай йәки башҡа башҡорт милли музыка ҡоралында уйнарға тейеш. Шулай уҡ ярыш төрҙәрендә Салауат Юлаевтың шиғырҙарын ятлау, халыҡ бейеүен башҡарыу, милли көрәш, уҡ атыу бар. Байрам тарихында тәүге тапҡыр еңеүсегә ысын башҡорт аты тапшырыласаҡ.
Йыйын программаһына «Салауат уғы» асыҡ район турниры, тирмәләр конкурсы, «Көмөш өҙәңге» күргәҙмә-йәрминкәһе ингән. Байрам һабантуй менән бер көндә була – Салауат халҡы яҙғы баҫыу эштәренә йомғаҡ яһаясаҡ. Ойоштороусылар – Башҡортостан Мәҙәниәт министрлығы, Республика халыҡ ижады үҙәге, Сәсәндәр үҙәге, Салауат районы хакимиәте.

Сығанаҡ: https://kulturarb.ru/ru/news/folklornyj-prazdnik-salauat-jyjyny-prinimaet-zayavki-k-uchastiyu

 

«Башҡортостандың мәҙәни донъяһы» интернет-порталы дәүләт телдәре булған башҡорт һәм рус телдәренән тыш, инглиз телендә лә Башҡортостандың мәҙәниәте һәм сәнғәте хаҡында бөтә донъяға бәйән иткән мәғлүмәт сараһы.

© 2016 All Rights Reserved. Designed By HunterWeb.ru

Редакция менән бәйләнеш

E-mail: kmb.rb@yandex.ru

Материалдарҙан күсермә һәм өҙөмтә алған осраҡта порталға һылтанма эшләү мотлаҡ.

 

Разработка сайта - HunterWeb