Бөгөн Нефтекамала Фәриҙә Ҡудашева исемендәге «Дуҫлыҡ моңо» халыҡ-ара башҡорт һәм татар йырҙарын башҡарыусылар фестивале башланды.

Башҡорт һәм татар йырҙарын башҡарыусылар бәйгеһенең  абруйы йылдан-йыл арта. Конкурста ҡатнашырға теләк белдереүселәр араһында, Башҡортостандан тыш, күрше республикаларҙан һәм өлкәләрҙән һәүәҫкәр йырсылар булыуы ҡыуандыра. «Дуҫлыҡ моңо» конкурсы быйыл Нефтекама ҡала мәҙәниәт үҙәге һарайында үтә.

 Быйыл бәйге 16-сы тапҡыр ойошторола. Бай йөкмәткеле мәҙәни программанан торған фестивалдә  ике республиканың билдәле артистары һәм төркөмдәре ҡатнаша. Сараны биҙәүгә айырыуса иғтибар бүленә – этно-мөйөш булдырылған, милли ризыҡтар күргәҙмәһе ойошторола.

Конкурста 16 йәштән 35 йәшкә тиклемге үҙешмәкәр башҡарыусылар һәм музыка училищеларының беренсе, икенсе курс студенттары ҡатнаша.

Нефтекама тамашасыларына ғына түгел, республикабыҙҙың төньяҡ-көнбайышындағы башҡа ҡала һәм райондарҙың барлыҡ йыр-моң һөйөүсе халҡы өсөн ысын сәнғәт байрамына әйләнгән тамашала билдәле сәхнә оҫталарының  сығыш яһауы көтөлә.

Гүзәл Багаева