«Башҡортостан» гәзите редакцияһында баҫманың 95 йыллығына арналған фотокүргәҙмә асылды. Гәзиттең генә түгел, бөтә республиканың да тарихын сағылдырған 150 фотоһүрәт Матбуғат йортоноң 5-се ҡатында стендтарҙа урынлаштырылған.

«Яратам һине, тормош!» оло йәштәгеләрҙең художестволы үҙешмәкәр ижады фестивале республикала тәүгә ағымдағы йылдың апрель һәм май айҙарында үтәсәк. Фестиваль гала-концерты 8 июндә Өфөлә үтәсәк.

Мәжит Ғафури исемендәге Башҡорт дәүләт академия драма театрында күренекле актер, драматург, педагог Илшат Йомағоловтың хәтер кисәһе үтте.

Санкт-Петербург ҡалаһында үткән «Терем кроссовер» конкурс-фестивалендә виртуоз ҡурайсы Роберт Юлдашев һәм уның «Ҡурайсы» төркөмө «Тамашасы һөйөүе» наминацияһына лайыҡ булды.

Ойошма республиканан ситтә йәшәүсе яҡташтарыбыҙҙы бергә туплау, тарихи тамырҙарын, телен, милли-мәҙәни байлыҡтарын һаҡлау һәм киләсәк быуынға тапшырыу маҡсатында ойошторола.

Бөгөн Өфөнөң «Конгресс-хол» бинаһында йырсы Хәлимә Ғәббәсова «Яҙмыштан бәхеттәр көтәм» тигән тәүге концерт программаһын тәҡдим итә. 

Йылайыр районында ауыл биләмәләре араһында «Атайҙар мираҫы» фестиваль-конкурсы үткәрелә, ул Рәсәй Федерацияһында Рәсәй тарихы йылы һәм Башҡортостан Республикаһында Имен бала саҡ һәм ғаилә ҡиммәттәрен нығытыу йылына арнала.

Башҡортостан халҡы, республикабыҙ әҙәбиәте ҙур юғалтыу кисерҙе. 83-сө йәшендә, ҡаты ауырыуҙан һуң күренекле яҙыусы, Хәкимйән Зарипов вафат булды.

Баймаҡта тыуып үҫкән Абрек Абыҙгилдин 50 йылдан ашыу Ҡазанда йәшәй. Яҡташыбыҙ Рәсәйҙең атҡаҙанған, Татарстандың халыҡ рәссамы, Ғабдулла Туҡай исемендәге премия лауреаты, оҙаҡ йылдар күрше республиканың рәссамдар берлеген етәкләй. 

Өфөнөң «Нефтсе» мәҙәниәт һарайында Башҡортостандың халыҡ шағиры, филология фәндәре докторы Рауил Бикбаевтың «Һайланма әҫәрҙәре» бишенсе томлығының исем туйы үтте.

Ошо көндәрҙә Өфө сәнғәт училищеһында Роберт Заһретдиновтың ижад кисәһе үтте, «Өзләүҙе тергеҙеү»  тип аталған тематик концертта ҡумыҙсы үҙе һәм уның уҡыусылары сығыш яһаны. 

Баш ҡалала Имен бала саҡ һәм ғаилә ҡиммәттәрен нығытыу йылына арналған фортепиано сәнғәте фестиваль-конкурсы тамамланды.

Рәссам Хәтип Фазыловҡа «Рәсәй Феде­рация­һы­ның атҡаҙанған рәссамы» исеме бирелде. 

Кисә мәҙәни мираҫ объекттарын һаҡлау мәсьәләһенә арналған түңәрәк өҫтәлдә Рөстәм Хәмитов Өфөлә тарихи-мәҙәни ағас архитектура ҡомартҡылары музейын булдырыу кәрәклеген билдәләне.  

20 һәм 21 апрелдә Силәбе өлкәһендә Учалы филармонияһы артистарының гастроле үтәсәк. 

Башҡорт дәүләт педагогия университетының Китапхана- мәғлүмәт комплексында 10 апрелдә Башҡортостандың халыҡ шағиры Сәйфи Ҡудаштың мемориаль китапханаһы асыласаҡ.

Рәсәйҙең һәм Башҡортостандың атҡаҙанған сәнғәт эшмәкәре, халыҡ-ара конкурстар лауреаты, Ғәлимов Сәләм исемендәге республика премияһы лауреаты Салауат Низаметдиновтың юбилей концерты Өфө сәнғәт училищеһының концерт залында 5 апрелдә үтәсәк.