Мәжит Ғафури исемендәге Башҡорт академия драма театры Хәмзә хажи Аҡбарҙың хәйриә фонды менән берлектә «Иман нуры» республика конкурсын үткәреү тураһында иғлан итте.

Туймазы районында халыҡты театр ярҙамында һайлауҙарҙа әүҙем ҡатнашырға саҡыралар. Райондың рәсми сайтында хәбәр ителеүенсә, Собханғол ауылының агитация-художество театры махсус программа әҙерләгән.

Тәтешле районының Яңы Тәтешле ауылында бөгөн Башҡортостан удмурттары республика милли-мәҙәни үҙәгенең отчет-һайлау конференцияһы үтә.

1 — 3 ноябрҙә Стәрлетамаҡта «Ашҡаҙар таңдары» республика башҡорт фольклоры байрамы үтәсәк.

Өфө сәнғәт училищеһының икенсе курс студенттары Альберт Шафиҡов һәм Юнир Әхмәтйәнов Францияның Рубэ ҡалаһында үткән «Sur 3 not’s» халыҡ-ара баянсылар конкурсында еңеү яуланы.

Күмертауҙа Башҡортостанда милләт-ара татыулыҡты нығытыу йылына арналған «Халыҡ-ара диалог: «Башҡортостан — Германия» фестивале үтте.

Башҡортостандың Стәрлебаш районында милли мәҙәниәттәр байрамдары үтте. Айҙарәле ауылында – «Рус мәҙәниәте көнө», Йәлембәт ауылында «Башҡорт мәҙәниәте көнө» уҙғарылды.

Кисә М. Аҡмулла исемендәге Башҡорт дәүләт педагогия университетында Саха (Яҡут) Республикаһынан килгән делегация үҙ халҡының “Олонхо” героик эпосы менән таныштырҙы.

Республикабыҙҙың төньяҡ-көнбайышында сәнәғәт һәм мәҙәниәт үҙәге — Нефтекамала төрлө милләт халҡы бер ғаилә булып йәшәй.

Башҡортостандың баш ҡалаһында бөйөк татар шағиры Ғабдулла Туҡайға һәйкәл Өфө «Нур» татар дәүләт театры алдында ҡуйыласаҡ. Өфө ҡалаһы ҡала округы хакимиәте шундай ҡарар ҡабул итте.

Ираҡ Башҡортостандың Урал аръяғы райондарында туризмды үҫтереү менән ҡыҙыҡһына. Был өлкәлә хеҙмәттәшлек итеү өсөн Сибайға визит менән «Әл-Аламейн» туристик компанияһы директоры Акил Дахи Нажи килде.

Башҡортостан Президенты Рөстәм Хәмитов Башҡортостан Республикаһының атҡаҙанған артисы Вилдан Яруллин һәм Рәсәйҙең, Башҡортостандың атҡаҙанған артисы, Татарстандың халыҡ артисы Салауат Фәтхетдинов менән осрашты.

Стәрлетамаҡта үткән Шаяндар һәм тапҡырҙар клубының «Асмандарға ашыу» икенсе республика фестивале кубогын Екатеринбургтан «Ҡыш» командаһы яуланы.

Быйыл Башҡортостанда Италия йылы тип иғлан ителгәйне. Шуға ла республикабыҙға итальяндарҙың килеүе — ғәҙәти күренеш.

Башҡорт дәүләт опера һәм балет театры солисткаһы Әлфиә Кәримова ошо көндәрҙә Испанияла Халыҡ-ара вокалсылар конкурсында еңеү яулаған.

19 ноябрҙә Ғафури районының Сәйетбаба ауылында башҡорт төркиәтсеһе, телсе, яҙыусы, профессор Жәлил Кейекбаевтың тыуыуына 100 йыл тулыуға арналған фәнни-ғәмәли конференция үтәсәк.

Башҡортостан Президенты Рөстәм Хәмитов «Беҙҙең заман геройы» социаль әһәмиәтле телетапшырыуҙар һәм телефильмдар фестивале сиктәрендә «Замандаш экранда» ижади конкурсында еңеүселәрҙе тәбрикләү тантанаһында ҡатнашты.

Билдәле башҡорт яҙыусыһы, драматург, прозаик, Башҡортостандың атҡаҙанған сәнғәт эшмәкәре Наил Ғәйетбаевҡа «Рәсәй Федерацияһының атҡаҙанған мәҙәниәт хеҙмәткәре» тигән почетлы исем бирелде.

Беҙҙең замандың геройы ниндәй һуң ул? Ошо һорауға яуапты Өфөлә табырға тырышасаҡтар. Баш ҡалабыҙ V Бөтә Рәсәй “Беҙҙең заман геройы” социаль әһәмиәтле телетапшырыуҙар һәм телефильмдар фестивален ҡабул итә.

Рәсәй Фәндәр академияһы Өфө ғилми үҙәгенең Р.Ғ.Кузеев исемендәге Этнологик тикшеренеүҙәр институтында «Урал-Волга буйы этностары һәм мәҙәниәттәре: тарихы һәм бөгөнгөһө» V бөтә Рәсәй фәнни-ғәмәли конференцияһы эшен башланы, уны Рәсәй Фәндәр академияһы Президиумының «Йәш ғалимдарға ярҙам» программаһы ярҙамында институттың Йәш ғалимдар советы үткәрә.