Стәрлетамаҡ ҡалаһында уҙғарылған "Ашҡаҙар таңдары" Республика башҡорт фольклоры байрамы үҙенең еңеүселәрен билдәләне.

Октябрь айында билдәле башҡорт яҙыусыһы , БР-ҙың атҡаҙанған сәнғәт эшмәкәре, Салауат Юлаев исемендәге дәүләт премияһы лауреаты Ғәзим Шафиҡовтың тыуына 75 йыл тулды. Ошо айҡанлы Әхмәтзәки Вәлиди исемендәге Милли китапхананың башҡорт әҙәбиәте һәм тыуған яҡты өйрәнеү бүлегендә «Ярһыу ғүмер, ярһыу ижад» тип аталған хәтер кисәһе үтте.

Мәҙәниәт йылы сиктәрендә Йәрмәкәй районында 20-се төбәк-ара халыҡ ижады фестивале үтте. Мәҙәни сара Башҡортостан, Татарстан республикалары, Ырымбур өлкәһе, Мәскәү ҡалаһынан төрлө милләт һәүәҫкәрҙәрен берләштерҙе. 

Зәйнәб Биишева исемендәге “Китап” нәшриәтендә 2015 йылға йыртмалы календарь баҫылып сыҡты. Ул Бөйөк Еңеүҙең 70 йыллығына арнала.

Юрмаш буйы уйын-көлкөнән, шат тауыш­тарҙан гөрләп торҙо үткән шәмбелә. Бына дүртенсе йыл инде Өфө ҡалаһының Калинин районы халҡы Федоровка ауылы эргәһендә көтөп алған байрамын — олоһон да, кесеһен дә үҙенә йәлеп иткән күңелле һабантуй үткәрҙе.

Йәштәр ниндәй булырға тейеш? Әлбиттә, дәртле һәм шаян, тәүәккәл һәм ҡыйыу, белемле һәм рухлы. Ошо сифаттарға эйә булған башҡорт йәштәре июндең һуңғы йомаһында Йылайыр районының Һынташ ауылы янындағы Һаҡмар буйына ағыла башланы.

Яңыртылған «Нефтсе» Мәҙәниәт һарайы быйылғы йылдың көҙөндә тамашасыларҙы ҡабул итә башлаясаҡ.

Урамда – яҙ! Әйләнә-тирәләге ығы-зығыға ла иғтибар итмәй, ҡанатланып, осоп көйлө-моңло һуҡмаҡтан Иҙел Нурғәлин килә. Ҡанатланмаҫлыҡмы ни һуң йәш йөрәккә?! Мөхәббәт, сафлыҡ, матурлыҡ менән һуғарылған көйҙәре, йырланыр йырҙары, йондоҙ булып тағы ла яҡтыраҡ балҡыры алда әле йәш егеттең!

Мәскәү обсерваторияһы күк есемдәренең береһенә тарихи герой исемен бирергә ниәтләй. Ә Учалы шахтерҙарының береһе мәңгелек хазинабыҙ булған эпосты шахта төбөнә төшөп һөйләргә әҙерләнә. Был күренештәр Өфөлә үтәсәк флешмобтың бер өлөшө генә.

19 апрелдә Мостай Кәрим исемендәге Милли йәштәр театрында Сибай башҡорт драма театры коллективы “Йәнкиҫәк” (“Бер ғүмер тарихы”) тип аталған спектакль күрһәтәсәк. 

Сара Өфөлә 28 апрелдә уҙғарыла. Съезд төбәктә дәүләт милли сәйәсәтен ғәмәлгә ашырыу тәртибенә ярашлы ойошторола.

Зәйнәб Биишева исемендәге «Китап» нәшриәтендә балалар яҙыусыһы Рәшиҙә Биктың (Бикметова) Бөйөк Еңеүҙең 70 йыллығы айҡанлы «Берлинға тиклем!» тип аталған яңы китабы донъя күрҙе. 

Проза жанры әҙәбиәттең күләмле һәм уҡымлы жанрҙарынан һанала. Башҡорт прозаһы, асылда, һуңғы бер быуат дауамында формалашты, дәүер аҙымдары менән үрҙәргә артылды, халыҡтың милли үҙаңын, нәфис һәм тарихи фекерләүен үҫтереүгә тос өлөш индерҙе һәм индереүҙе дауам итә.

Әлшәй районында тыуып үҫкән "йондоҙҙар" баш ҡалабыҙ халҡын йыр-моң менән кинәнгәнсе һыйланы. 

Танылған шағирә Таңһылыу Ҡарамышеваның «Мәңгелек сәфәр» тип аталған шиғырҙар йыйынтығы сыҡты. Автор был китабында «Урал батыр» эпосы образдары аша донъя төҙөлөшөнә күҙ һала, тормошобоҙ төпкөлдәренә ҡараш ташлай, физик һәм рухи ҡанундарҙың серенә төшөндөрә.

Билдәле яҙыусы, Салауат Юлаев исемендәге премия лауреаты Баязит Бикбайҙың тыуыуына 105 йыл тулыу айҡанлы, 15 апрель 16.00 сәғәттә «Родина» кинотеатрында «Башҡортостан» киностудияһында төшөрөлгән «Тере шишмә» («Живой родник») фильмын күрһәтәсәктәр.

Римма АМАНГИЛДИНА - башҡорт эстрадаһының моңло һандуғасы. Ул халыҡсан, тәрән мәғәнәле йырҙары, сағыу сығыштары менән тамашасы араһында киң билдәлелек яуланы. 

Әхмәтзәки Вәлиди исемендәге Милли китапхана тарафынан Башҡортостандың халыҡ шағиры Марат Кәримов һәм билдәле ғалим, педагог Риф Әхмәҙиевтарҙың тормош һәм ижадына арналған биобиблиографик белешмәләр әҙерләнде.