Башҡортостан Хөкүмәте министры Руслан Мирсаяпов ошо турала белдерҙе. Сит ил ҡунаҡтары Иглин, Кушнаренко, Архангель, Өфө, Шишмә райондарындағы байрамдарҙа буласаҡ. 

Зәйнәб Биишева исемендәге «Китап» нәшриәте 25-28 июнь Мәскәүҙә Ҡыҙыл майҙанда үтәсәк «Рәсәй китаптары» фестивалендә ҡатнаша. 

Зәйнәб Биишева исемендәге «Китап» нәшриәтендә Өфөлә үтәсәк ШОС һәм БРИКС саммиттары айҡанлы донъя халыҡтарының әкиәттәрен туплаған китап донъя күрҙе. Башҡорт, рус, ҡаҙаҡ, һинд һәм башҡа саммитта ҡатнашыусы халыҡтарҙың әкиәттәре йыйынтыҡҡа ингән. 

Күренекле яҙыусы, Башҡортостандың атҡаҙанған мәҙәниәт хеҙмәткәре Гөлнур Яҡупованың ил яҙмышын, халыҡ ғәмен иңдәрендә ирҙәрсә йөкмәп килгән, сәңгелдәк тирбәткән, донъяның ҡото, уты, тотҡаһы булған ҡатын-ҡыҙ образдары тыуҙырылған «Ҡатындар» трилогияһын ҡулға алыу менән күптәрҙең башына гүзәл зат өсөн генә махсус яҙылғандыр был әҫәр тигән уй киләлер. 

Башҡортостандың халыҡ яҙыусыһы Зәйнәб Биишева төрки донъяның бөйөк ҡатын-ҡыҙҙары исемлегенә индерелде. Төркиәнең милли телерадиокомпанияһы төрки донъя үҫешенә ҙур өлөш индергән шәхестәр тураһында тапшырыуҙар әҙерләй.

22 майҙа миҙгел тамамланған тантаналы, матур көндәрҙең береһендә Мәжит Ғафури исемендәге Башҡорт дәүләт академия драма театры һәм Башҡортостан театр эшмәкәрҙәре союзы күренекле режиссер, Рәсәйҙең һәм Башҡортостандың атҡаҙанған сәнғәт эшмәкәре, Салауат Юлаев исемендәге Дәүләт премияһы лауреаты, оҫта педагог Лек Вәли улы Вәлиевтың тыуыуына 80 йыл тулыуҙы билдәләне.

Йома көндө ҡалала Фәтих Ихсанов исемендәге республика конкурсы башлана. Байрам программаһында Фәтих Ихсанов иҫтәлегенә концерт һәм конкурс еңеүселәренең гала-концерты ҡаралған.

27 май календарҙа ил президенты указы менән Бөтә Рәсәй китапханалар көнө булараҡ билдәләнгән. 1795 йылдың ошо көнөндә Император йәмәғәт китапханаһы асыла, бөгөн ул Рәсәй милли китапханаһы исемен йөрөтә.

Ошо көндәрҙә Хөсәйен Әхмәтов исмендәге Башҡорт дәүләт филармонияһында 76-сы ижад миҙгелен ябыуға арналған тантаналы концерт уҙҙы. Тамашасыны филармония ишектәрен асылыу менән байрам кәйефе солғап алды.

Хөсәйен Әхмәтов исемендәге Башҡорт дәүләт филармонияһы артисы, Шәйехзада Бабич исемендәге Дәүләт йәштәр премияһы лауреаты, БР-ҙың атҡаҙанған мәҙәниәт хеҙмәткәре Миңлеғәфүр Зәйнетдинов 12-16 июнь Ҡаҙағстанда үтәсәк Халыҡ-ара фольклор-этнографик фестивалдә ҡатнашасаҡ.

21 майҙан алып 28 июнгә тиклем БР Милли музейында «Тере йәйғор» тип аталған күргәҙмә эшләй. Унда тумыртҡа ғаиләһенә ҡараған ҡоштар менән яҡындан танышырға буласаҡ. 

Һәләтле йырсы, тыуған халҡының сәнғәте һәм мәҙәниәте өсөн янып йәшәгән ил ағаһы Камил Вәлиевтың ижады һәм тормош юлы һоҡланыуға лайыҡ. Ул Башҡортостандың музыкаль сәнғәте үҫешенә ҙур өлөш индергән шәхес. 

“Әҙәби нағыш” республика марафонының сираттағы аҙналығы уңайынан Шишмә районына юлландыҡ. Башҡорт әҙәбиәтен үҙ ижады йөҙөндә донъя кимәленә алып сыҡҡан халыҡ шағиры Мостай Кәримдең тыуған ауылы Келәштән башланды сәфәребеҙ.

Уҙғарыу даталары Республика етәксеһе указы менән раҫланған. Тәүгеләрҙән булып хеҙмәт байрамын 30 майҙа Стәрлетамаҡ, Салауат ҡалалары, Әлшәй, Ҡырмыҫҡалы һәм Күгәрсен райондары үткәрә.

Фәйзи Ғәскәров исемендәге дәүләт академия халыҡ бейеүҙәре ансамбле ҡарамағындағы балалар студияһы йәш һәләттәрҙе студияла шөғөлләнергә саҡыра.

25-29 май Өфөнөң «Родина» кинотеатрының Йәшел залында башҡорт киноһы аҙналығы үтә. Сара «Башҡортостан» киностудияһының ойошторолоуына 25 йыл тулыу айҡанлы уҙа. 

Театр-филармониялар өсөн гастролдәр осоро башлана. Мәҫәлән, Башҡорт дәүләт филармонияһы коллективы Бөтә Рәсәй ауыл һабантуйында ҡатнашасаҡ.

21 майҙа Мәжит Ғафури исемендәге Башҡорт дәүләт академия драма театры тантаналы рәүештә 95-се юбилей миҙгелен тамамланы. Был көндө театр коллективы Башҡортостандың халыҡ шағиры Мәжит Ғафуриҙың, СССР-ҙың халыҡ артисы Арыҫлан Мөбәрәковтың һәм Башҡортостандың халыҡ шағиры, драматург Мостай Кәримдең һәйкәлдәренә сәскәләр һалды.