Башҡорт дәүләт университетының компьютер филологияһы лабораторияһы үҙенсәлекле сайт асты.

Башҡортостандың халыҡ артисы Радмир Бәҙретдинов 80 йәшлек юбилейын билдәләне. Ошо уңайҙан арҙаҡлы бейеүсе Хөсәйен Әхмәтов исемендәге Башҡорт дәүләт филармонияһында зал тултырып тамашасы йыйҙы.

1 февралдә «Һылыуҡай-2012» республика телевизион конкурсы финалистары билдәле буласаҡ. Һылыуҡайҙар «Башҡортостан» телерадиокомпанияһында  һайлап алыу туры йомғаҡтары аша билдәләнәсәк. 

1 февралдә, Өфөнөң «Нефтсе» мәҙәниәт һарайында «Мираҫ» фольклор бейеү ансамбле тамашасыларға яңыртылған программа тәҡдим итәсәк.

Бөгөн баш ҡалала Заһир Исмәғилев исемендәге Өфө сәнғәт академияһы студенты Лиана Мкртчяндың шәхси күргәҙмәһе асылды.

Өфө дәүләт циркында бөтә Ер шарын урап сыҡҡан Мәскәү циркы тамашалары башланды.

Өфө районының Ҡыҙыл Яр ауылында БР Халыҡтар дуҫлығы йортоноң милли-мәҙәни йәмәғәт берекмәләре, тарих-мәҙәниәт үҙәктәре етәкселәренең күсмә кәңәшмәһе үтте.

Мәләүез районы мәктәптәрендә һәм урта махсус уҡыу йорттарында белем алыусылар араһында «Мәләүез илһөйәрҙәре» ижади эштәр конкурсы башланды. 

Үткән шәмбе көнөндә академтеатрҙыҡылар «Лукошко» магазины коллективы менән берлектә «Динамо» һырғалағында төрлө уйындар, ярыштар уҙғарып, ҡыштың бер көнөн оло байрамға әйләндерҙе.

Ә. Вәлиди исемендәге Милли китапханала күренекле шағирә, тәржемәсе, Башҡортостандың атҡаҙанған мәҙәниәт хеҙмәткәре Әнисә Абулла ҡыҙы Таһированың юбилейына арналған ижад кисәһе үтте.

Билдәле яҡташыбыҙ Земфира Рамаҙанова «Рәсәйҙең иң абруйлы кешеләре» исемлегенә инде.

Республиканың Хәрби дан музейында Рәсәйҙең 1812 йылғы Ватан һуғышында еңеүенә 200 йыл тулыуға арналған «Юҡҡа ғына хәтерләмәй Рәсәй...» күргәҙмәһе асылды.

Шолохов исемендәге Мәскәү дәүләт гуманитар университетының Өфө филиалы нәшриәтендә шағирә, журналист Марина Мокрованың «Шиғырҙарым» («Мои стихи») китабы донъя күрҙе.

Бөгөн, йәғни 27 ғинуар, «Мулла» спектакле тамашасыға яңылыҡ әҙерләй: төп роль Әсфәндиәрҙе Руслан Хайсаров, Нәлимәне Ирада Фазлаева һәм Гөлназды Римма Ҡаһарманова уйнаясаҡ.

Бөгөн күренекле актер, драматург, Рәсәйҙең һәм Башҡортостандың атҡаҙанған артисы Йомағолов Илшат Хәлил улының тыуыуына 80 йыл.

5 февралдә З. Исмәғилев исемендәге сәнғәт академияһының Ф. Шаляпин концерт залында Халыҡ-ара музыка ҡоралдарында уйнаусылар конкурсының тантаналы ябыу кисәһе үтәсәк.

Күренекле яҙыусы Әмир Әминевтең Зәйнәб Биишева исемендәге «Китап» нәшриәтендә «Ҡәләмдәштәргә һүҙ» тигән китабы донъя күрҙе.

Өфө шағиры Николай Грахов Степан Злобин исемендәге республика әҙәби премияһына лайыҡ булды. Премия тапшырыу тантанаһы көн элгәре Башҡортостандың Яҙыусылар союзында үтте.

Бөгөн Х. Әхмәтов исемендәге Башҡорт дәүләт филармонияһының Ҙур залында республикабыҙҙың мәшһүр ҡурайсылары ҡатнашлығында «Әйҙә, уйна, ҡурайсы!...» исемле тамаша уҙа.