Халыҡ йыры «Абдрахман»ды башҡарып, Илдар жюри ағзаларын һәм тамашасыны таң ҡалдырҙы. Өсөнсөгә үткән был конкурс-фестиваль 14–17 февралдә Силәбелә үтте.

Метрополитен-Опера театрында киләһе сезонда режиссер Дмитрий Черняков етәкселегендә А.Бородиндың операһы – «Князь Игорь» ҡуйыласаҡ. Премьера 2014 йылдың 6 февраленә планлаштырыла.

БР Президенты Рөстәм Хәмитов указына ярашлы, бер төркөм сәнғәт эшмәкәрҙәренә маҡтаулы исемдәр бирелде. Бүләкләү тантанаһы БР Мәҙәниәт министрлығының киңәйтелгән ултырышында үтте.

27 февраль Республика махсус һуҡырҙар китапханаһының «Сударушка» уҡыу клубында Халыҡ-ара ҡатын-ҡыҙҙар көнөнөң 100 йыллығына ҡарата музыкаль-әҙәби кисә үтә.

БР Хөкүмәтенең планына ярашлы, 26 февраль Конгресс-холлда Мәҙәниәт министрлығы коллегияһының 2012 йыл һөҙөмтәләре һәм 2013 йыл маҡсаттары буйынса киңәйтелгән ултырышы үтә.

Стәрлетамаҡ һәм Өфө ҡалаларында Волга буйы федераль округы региондарында эшләп килгән социаль проект – йырсы Дмитрий Маликовтың сәнғәт мәктәптәре уҡыусылары өсөн «Музыка дәрестәре» («Уроки музыки») мастер-класы үтәсәк.

28 февраль 19.00 сәғәттә Х.Әхмәтов исемендәге Башҡорт дәүләт филармонияһында 112-се Башҡорт кавалерия дивизияһы командиры, генерал-майор М.М.Шайморатовтың вафатына 70 йыл тулыу айҡанлы хәтер кисәһе уҙа.

25 февраль «Нефтселәр» мәҙәниәт һарайында «Ҡатын-ҡыҙ мажаралары» тип аталған программа көтөлә. Күптән танылыу яулаған оло артистар менән һәләтле йәш йырсылар бер сәхнәлә сығыш яһайҙар.

Өфө сәнғәт академияһына үҙҙәренең талантын күрһәтергә илдең төрлө төбәктәренән йөҙгә яҡын солист һәм 20 ансамбль килде. Жюри составында билдәле музыканттар, халыҡ артистары, мәҙәниәт хеҙмәткәрҙәре.

21 февраль Хөсәйен Әхмәтов исемендәге Башҡорт дәүләт филармонияһында Халыҡ-ара туған тел көнө сиктәрендә «Туған тел» байрамы үтте. Матур сараны БР Мәҙәниәт министрлығы һәм Халыҡтар дуҫлығы йорто менән берлектә Бөтә донъя башҡорттары ҡоролтайы (конгресы) үткәрҙе.

Яҡын арала республикала ҡыҙыҡлы проект – Йәштәр симфоник оркестры төҙөләсәк. Коллектив З.Исмәғилев исемендәге Өфө дәүләт академияһы базаһында асыласаҡ. Идея БР мәҙәниәт министры Ә.И. Шафиҡованыҡы. Оркестр составына сәнғәт академияһының, училищеһының, урта махсус музыкаль коллежденың иң яҡшы музыканттары керәсәк.

«Алтын ай» башҡорт бейеүе ансамбле үҙенең барлыҡҡа килеүенә бер йыл айҡанлы «Бейеүҙәрҙә – беҙҙең тарих» тип аталған концертына саҡыра. Коллективты Нәзир Баййегетов етәкләй.

21 февраль 19.00 сәғәттә Х.Әхмәтов исемендәге Башҡорт дәүләт филармонияһында Халыҡ-ара туған тел көнө сиктәрендә «Туған тел» байрамы үтә. Сараны БР Мәҙәниәт министрлығы һәм Халыҡтар дуҫлығы йорто менән берлектә Бөтә донъя башҡорттары ҡоролтайы (конгресы) үткәрә.

БР ЮНЕСКО эштәре буйынса комитет хәбәр итеүенсә, 27 февраль 14.00 сәғәттә Ә.-З. Вәлиди исемендәге милли китапханала ЮНЕСКО мәктәптәре ҡатнашлығында донъя халыҡтары эпостары йылын асыу тантанаһы буласаҡ.

25 февраль Ә.-З. Вәлиди исемендәге Милли китапханала «Амантай» ижади үҙәге менән берлектә шағир, йәмғиәт эшмәкәре Ғабдулла Амантайҙың тыуына 105 йыл айҡанлы хәтер кисәһе уҙасаҡ. Кисә милләт, тел үҫеше өсөн янып, ә һуңынан нахаҡҡа ғәйепләнгән шәхестәребеҙҙе онотмау, улар исемен йәш быуынға еткереү кеүек маҡсаттар ҡуя.

20 февраль Мәләүез ҡалаһында БР атҡаҙанған мәҙәниәт хеҙмәткәре Фаиль Абдраков иҫтәлегенә арналған һәүәҫкәр композиторҙарҙың төбәк конкурсы үтте. Сараны БР Мәҙәниәт министрлығы, «Дуҫлыҡ» республика мәҙәни-методик үҙәк, Мәләүез районы хакимиәтенең мәҙәниәт бүлеге ойошторҙо.

Драматург Нил Саймон әҫәре буйынса ҡуйылған «Босиком по парку» спектакле ҡатнашыусылары сәхнәгә йөҙөнсө тапҡыр сыҡты. Лирик комедия театрҙың камера сәхнәһендә бер нисә йыл бара, әммә ул һәр ваҡыт тулы зал йыя.

22, 23 февраль Өфө дәүләт «Нур» татар театрында быйылғы йылда тәүге премьера – «Ауыл мәҙәктәре» («Деревенские байки») ҡуйыласаҡ.
Режиссёр Ольга Смирнова спектаклде Владимир Любаровтың ижад өлгөләренә таянып әҙерләй.

Башҡортостан хөкүмәте тарафынан 2015 йылда Өфөлә үтәсәк ШОС һәм БРИКС саммиттарына әҙерлек планы раҫланды. Вице-премьер Салауат Сәғитов әйтеүенсә, был мөһим сараларҙы ойоштороуҙа бөтә министерстволар һәм уларға ҡараған тармаҡтар ҡатнашасаҡ.

Билдәле башҡорт рәссамы Рәшит Хәбировтың Ә.-З.Вәлиди исемендәге милли китапханала «Сағылыш теҙмәһе» («Вереница отражений») тип аталған шәхси күргәҙмәһе эшләйәсәк. 25 мартҡа тиклем буласаҡ күргәҙмә рәссамдың юбилейына арнала.