“Ҡалдырма, әсәй!” повесы  М.Ғафури исемендәге Башҡорт дәүләт академия драма театрында “Хыялға ҡаршы” спектакле исеме аҫтында сәхнәләштерелә. Ҙур полулярлыҡ һәм билдәлелек яулап өлгөргән китап кеүек, спектакл дә публика һөйөүен тиҙ яуланы, шулай уҡ сит республика театрҙарында ла  ҙур уңыш менән ҡуйыла.

Күптән түгел Зәйнәб Биишева исемендәге Китап» нәшриәтендә журналист, шағир һәм  яҙыусы Мөнир Ҡунафиндың «Йөҙөп барған, ти, аттар диңгеҙҙә…» китабы донъя күрҙе. Авторҙың был китабына 2015 йылда Башҡортостан Башлығы грантына «Китап» нәшриәте үткәргән «Яңы офоҡтар» конкурсында еңеп сыҡҡан повесы һәм халыҡ яратып уҡыған хикәйәләре индерелде.

Кисә, йәғни 12 апрель көнө «Башҡортостан» дәүләт концерт залында республиканың Милли симфоник оркестрының 25 йыллығына арналған Халыҡ-ара музыка фестивале асылды. Фестивалде асыу тантанаһында Башҡортостан Башлығы Рөстәм Хәмитов ҡатнашты.

Бөгөн Өфөнөң биш кинотеатрында билдәле башҡорт режиссеры Айнур Аскаровтың “Өфөнән һөйөү менән” кинофильмы тамашасылар хөкүменә сығарыла. Был турала “Башҡортостан” телерадиокопанияһының Медиаүҙәге ойошторған матбуғат конференцияһында хәбәр иттеләр.

Алдан хәбәр итеүебеҙсә, рус, башҡорт, татар йәки сыуаш телдәрендә яҙышҡан иң яҡшы үҙешмәкәр шағирҙар Бәләбәй ҡалаһында ойошторолған “Илһам шишмәләре-2017” шиғриәт фестивалендә ҡатнашты. Бәйге еңеүселәре 14 апрелдә билдәле буласаҡ. 

Һуҡырҙар өсөн Башҡортостан республика махсус китапханаһында йәмғиәт практик фестивале cиктәрндә “Президент бесәйе” китабының презентацияһы үтте.

Кисә Татарстан Республикаһы халҡын, Ҡазан тамашасыһын Мәжит Ғафури исемендәге Башҡорт дәүләт драма театры «Ҡаһым түрә» (Б.Бикбай, Х.Ирғәлин)  спектакле менән сәләмләне. Бер аҙналыҡ гастролдәр театр репертуарының иң сағыу спектаклдәренән төҙөлгән.