Башҡорт дәүләт филармонияһы «Халҡымдың һүнмәҫ хазинаһы» концерттар циклын дауам итеп 21 март «Ҡыл-ҡумыҙҙа тамырҙарым сыңы» исемле тамаша әҙерләй.

Гүзәл Яхинаның “ Зөләйха күҙҙәрен аса» романы китап яратыусылар араһында ҙур ҡыҙыҡһыныу уятҡан әҫәрҙәрҙең береһе. Мәжит Ғафури исемендәге Башҡорт дәүләт академия драма театры “Зөләйха күҙҙәрен аса” романын сәхнәләштерергә йыйына. Әҫәрҙе драматург Ярослава Пулинович сәхнәгә әҙерләгән, Хөрмәтулла Үтәшев башҡортсаға тәржемә иткән.

Күптән түгел, үткән йома Көйөргәҙе районының Аҡһары ауылы халҡы өсөн ғайәт әһәмиәтле сара уҙҙы, яҡшы ремонттан һуң ауыл клубы яңынан асылды.

Илебеҙҙең баш ҡалаһында Мәскәүҙәге Башҡортостан яҡташтарының тормошо өсөн ҡыҙыҡлы ике сара үтте. «Радио Сити» клубында «Заман» төркөмөнөң тәүге «Пульсом» клибының исеме туйы уҙҙы.

Өфөлә 17 март-изге йома көнөндә Өфө “Нур” татар театрында "Мисс Мөслимә-2017" бәйгеһе үтә. Илебеҙҙең иң матур мосолман ҡыҙҙары сибәрлектә ярышасаҡ.

Арыҫлан Мөбәрәков исемендәге Сибай башҡорт дәүләт драма театры Халыҡ-ара театр көнөнә арнап Салауат Әбузәровтың  "Йәшлеккә ҡайтыу" (“Возврвщение в молодость”) комедияһын  сәхнәләштерергә йыйына.

М.Ғафури исемендәге Башҡорт академия драма театры хәбәр итеүенсә, 17  һәм 18 март көндәре  Флорид Бүләков пьесаһы буйынса "Һөйәһеңме - һөймәйһеңме..." трагикомедияһының премьераһы.

Ағымдағы йылдың 13 март көнө  яҙыусы, тәнҡитсе, публицист,  педагог, методист, әҙәбиәтсе, телсе, философ, тарихсы  Ғәлимйән Ибраһимовтың тыуыуына 130 йыл тула.

Татьяна Краснованың һуңғы ике йылдағы эштәре менән  баш ҡаланың 29-сы китапханаһындағы күргәҙмәлә танышырға мөмкин.    Өфөлә тележурналист һәм рәссам Татьяна Краснованың шәхси күргәҙмәһе асылды

Өфөлә билдәле журналист  Эльвира Халикова “Ватандаштар”(«Соотечественники») исемле китап баҫтырған. Китапта журналистың “Ватандаш” журналында төрлө йылдар дауамында донъя күргән мөҡәләләре, интервьюлары, очерктары урын алған.

Йәйен 20-30 июндә Башҡортостан театрҙары  Екатеринбург ҡалаһында үтәсәк «Коляда-Plays» Халыҡ-ара заманса драматургия фестивалендә ҡатнашырға йыйына.

Бөгөн популяр йырҙар ижад итеүсе композитор, Башҡортостандың атҡаҙанған сәнғәт эшмәкәре Рим Мәхмүт улы Хәсәновҡа- 70 йәш.

Башҡортостанда Һәҙиә Дәүләтшина исемендәге дәүләт премияһына дәғүә итеүселәр билдәле булды. Балалар һәм үҫмерҙәр өсөн әҙәбиәт, сәнғәт өлкәһендәге награда яҙыусы Гүзәл Ситдиҡоваға “Ҡолонсаҡ – арғымаҡ булыр бер саҡ” китабы өсөн бирелде.

Республикабыҙҙың сағыу сәхнә йондоҙҙарының береһе, үҙенсәлекле тауышы һәм репертуары лирик йырҙарға бай булыуы менән айырылып торған Башҡортостандың халыҡ артисы Роза Аккучукова яҙ ҡояшылай сағыу “Йөрәктән йөрәккә” тип исемләнгән  концертына саҡыра. 

Тиҙҙән 29 - 31 март көндәре Өфө ҡалаһының  “ВДНХ-Экспо” күргәҙмә залында “Өфө-Ладья. Арт. Һөнәр. Сувенирҙар”  күргәҙмә-фестивале үҙ ишектәрен асасаҡ.

Күптән түгел Башҡортостан Милли музейында "Хәтирәләр селтәре" исеме аҫтында үҙенсәлекле күргәҙмә асылды. Селтәр күргәҙмәһе музейҙың  үҙенсәлекле шөғөлгә бағышланған тәүге проекттарының береһе.

Күптән түгел Туймазы театры ижад коллективы замана драматургы Валерий Шергиндың “Колбаса. Фрагменттар.” тип исемләнгән пьесаһы буйынса яңы спектакль әҙерләй башланы. Буласак спектаклдең режиссеры—Екатеринбургта уңышлы эшләп килгән “Коляда-театрының” актеры, режиссер Антон Владимирович Бутаков.

Өфөлә 18 мартта автор йырын үҫтереүгә айырыуса өлөш индергән өсөн «Күңел ҡылдары» республика премияһын тапшырыу тантанаһы үтә.

Күптән түгел билдәле яҙыусы, Рамаҙан Өмөтбаев, Жәлил Кейекбаев, Мөхәмәтша Буранғолов, исемендәге премиялар лауреаты, Башҡортостан һәм Рәсәй Яҙыусылар союзы ағзаһы, мәғариф ветераны Лира-Әхмәт Яҡшыбаева күркәм юбилейын билдәләне.