Бөгөн Өфөлә туған тел көнөн билдәләү уңайынан Мифтахетдин Аҡмулла исемендәге Башҡорт дәүләт педагогия университетының концерт залында Халыҡ-ара Туған тел көнөнә арналған Республика байрамы, муниципаль район һәм ҡала округтары биләмәләрендә тел һәм мәҙәни төрлөлөккә  йүнәлтелгән саралар үтәсәк.

Башҡортостандың 100 йыллығы айҡанлы, республика ойошоуына һәм үҫешенә тос өлөш индергән гүзәл заттар-Башҡортостан ҡыҙҙары 7 март көнө киске сәғәт етелә “Башҡортостан” дәүләт концерт залында ҙур тамаша әҙерләй. Изге әсә лә ул, гүзәл эшсе лә ул, йәм биреүсе, йән биреүсе Ватанға- девизы аҫтында үтәсәк концерт программаһы үтә лә бай һәм мауыҡтырғыс булмаҡсы.

Республика халыҡ ижады үҙәге 1937 йылдың 20 февраленән башлап эшләй. Ул ваҡытта Башҡортостан Республикаһының Халыҡ ижады йорто булараҡ асылған.

Тормоштоң әсеһен-сөсөһөн күп күргән, һуғыштан яраланып ҡайтып, урындағы колхозға етәкселек иткән талапсан атайҙары ла, нескә күңелле әсәйҙәре лә бөтөн ҡайғы-һағышын йыр менән баҫып, унан дарман алып йәшәй. “Ҡаһым түрә”, “Еҙ бүртә”, “Һаҡмар”, “Ғилмияза”... Халҡыбыҙҙың ошо мәшһүр йырҙарының фатихаһы менән оло сәнғәт юлына аяҡ баҫа Флүрә Ғәлимйән ҡыҙы.

Көйөргәҙе районының Яңы Мораптал ауылындағы  БАССР-ҙың халыҡ артисы, тәүге башҡорт композиторы Ғәзиз Әлмөхәмәтов исемендәге музей интерактив этнографик күргәҙмә булдырыу өсөн республика Башлығының 270 мең һумлыҡ грантына эйә булды.

Опера йырсыһы Әлфиә Кәримова Лондонда үҙенең соло-концерты менән сығыш яһаны. Пианистка, йырсы, композитор һәм продюсер Евгения Терентьева менән бергә ул Рахманинов, Римский-Корсаков, Чайковскийҙың классик рус романстарын башҡарҙы. Әлфиә Кәримованың концерты IV «Альбион йондоҙҙары. Масленица» халыҡ-ара башҡарыу оҫталығы фестиваль-конкурсын асты.

Салауат башҡорт дәүләт драма театры артистары билдәле сит ил авторы Рей Куниҙың  "№13" исемле комедияһы өҫтөндә эш башланылар.

Башҡортостанда Һәҙиә Дәүләтшина исемендәге дәүләт премияһына дәғүә итеүселәр иғлан ителде. Награда әҙәбиәт һәм сәнғәт өлкәһендә балалар һәм үҫмерҙәр әҫәрҙәре өсөн тапшырыла. Премия йәш быуынды әҙәбиәт һәм сәнғәт әҫәрҙәре ярҙамында рухи-әхләҡи һәм патриотик тәрбиәләүҙә ҙур өлөш индерә. Конкурсҡа йыл дауамында айырым китап булып йәки ваҡытлы матбуғатта донъя күргән әҫәрҙәр ҡабул ителә.

Гран-при титулын 26 йәшлек Морат Йәноҙаҡов -"Йатаған" этно-төркөмөнөң музыканты яуланы. Ул бәйгелә башҡорт  халыҡ  “ Ҡолой кантон” көйөн башҡарҙы. Ҡурайсыға милли костюм тектереүгә 20 мең һумлыҡ сертификат тапшырылды.

Бөгөн, йәғни 17 февраль Мәжит Ғафури исемендәге Башҡорт дәүләт академия драма театры Илшат Йомағоловтоң "Нәркәс" трагедияһын яңыртылған вариантта тәҡдим итә.

Өфөлә Табын ырыуының съезы үтә. Сара Башҡортостан республикаһы ойошторолоуҙың 100 йыллығына арнала.

Кисә Өфөлә Мәҙәниәт министрлығы коллегияһының киңәйтелгән ултырышы үтте, уҙған 2016 йыл йомғаҡтары барланды һәм 2017 йылға маҡсаттар билдәләнде.

21 февралдә  Башҡорт дәүләт драма театры Ватанды һаҡлаусылар көнөнә арнап билдәле актерҙар менән йылы әңгәмә ойошторасаҡ.  Осрашыу  байрам кәйефе бүләк итеп кенә ҡалмаҫ, ә күңелдәрегеҙҙе лә байытыр. Йыр-моңға, юморға, шиғри һүҙгә бай осрашыу кисәһен  Сара Буранбаева алып барасаҡ.

Быйыл Мәхмүт Ҡашғари исемендәге IV Халыҡ-ара хикәйәләр конкурсына өс тиҫтәгә яҡын эш ҡабул ителгән. Кисә «Башинформ» агентлығының конференциялар залында еңеүселәрҙе билдәләү һәм  премиялар тапшырыу тантанаһы үтте.

Өфөлә Мостай Кәримдең әҫәрҙәре буйынса аудиокитаптар яҙҙырыла. М.Кәрим исемендәге Милли йәштәр театры проектты тормошҡа ашырыуға республика Башлығы грантын алды.

«Башҡортостан» киностудияһының «Ел аулаусы» (“Ловец ветра”) фильмы Венгрияның баш ҡалаһында күрһәтелә. 22 февралдә Будапештта Рәсәй төбәктәре киноһы көндәре Башҡортостанда төшөрөлгән кинотаҫма менән тамамлана.

Өфөлә «Башҡортостандың йәш киноһы» икенсе республика фестивале уҙасаҡ. 21 февралдә баш ҡаланың «Родина» кинотеатрында Өфөнөң башланғыс кинематографсыларының тәүге картиналары күрһәтелә.

Кисә “Башҡортостан” ДТРК – һының Рәсәй медиа үҙәгендә ”Халҡыбыҙ мираҫын мәңгеләштереү” исеме аҫтында матбуғат конференцияһы уҙҙы. 

Иртәгә -16 февраль Башҡорт дәүләт опера һәм балет театры коллективы Баязит Бикбайҙың билдәле «Салауат Юлаев» операһын тамашасы хөкөмөнә яңы ҡуйылышта тәҡдим итә.