Кисә, 5 апрель көнө Зәйнәб Биишева исемендәге Башҡортостан «Китап» нәшриәтендә билдәле әҙибә һәм яҙыусы, Жәлил Кейекбаев, Рамазан Өмөтбаев исемендәге премиялар лауреаты Лира Миңләхмәт ҡыҙы Яҡшыбаева менән осрашыу үтте.

17  апрель көнө Мәжит Ғафури исемендәге Башҡорт дәүләт академия драма театрында күренекле шағир, ғалим һәм йәмәғәт эшмәкәре, Салауат Юлаев исемендәге Дәүләт премияһы лауреаты Рәшит Шәкүрҙең 80 йәшенә арналған юбилей кисәһе үтәсәк. Ойоштороусылар хәбәр итеүенсә, сараға инеү бушлай буласаҡ.

27-28 март көндәре Арыҫлан Мөбәрәков исемендәге Сибай башҡорт дәүләт драма театры Халыҡ-ара театр көнөнә арнап Салауат Әбузәровтың  "Йәшлеккә ҡайтыу" (“Возврвщение в молодость”) комедияһын  сәхнәләштерҙе.

Бөгөн Нефтекамала Фәриҙә Ҡудашева исемендәге «Дуҫлыҡ моңо» халыҡ-ара башҡорт һәм татар йырҙарын башҡарыусылар фестивале башланды.

2017 йылдың 20-26 апрелендә Өфөлә Мәжит Ғафури исемендәге БАДТ нигеҙендә "Театр яҙы" фестивале ойошторола. Республиканың мәҙәниәтен үҫтереү, театрҙарҙың дуҫлыҡ ептәрен нығытыу,актерҙарға һәм тамашасыларға байрам ойоштороу - фестивалдең төп маҡсаттары булып тора. Быйыл фестиваль милли драматургияға бағышлана. Ойоштороусылар - БР-ның Мәҙәниәт министрлығы, БР-ның Театрҙар эшмәкәрҙәре союзы.

13 һәм 14 апрелдә Өфөлә Салауат башҡорт дәүләт драма театры гастролдәре уҙасаҡ. 5 апрель иртәнге сәғәт 11.00 М.Ғафури исем. БАДТ бинаһында был ваҡиғаға ҡағылышлы матбуғат конференцияһы буласаҡ. 

Батырша Алиев (ысын исеме Ғабдулла Ғәлиев) тарихи әҙәбиәттә Абдулла Алиев исеме менән билдәле. 1710  йылда Балтас районында тыуған. 

Күптән түгел билдәле шағир, Ғәлимов Сәләм исемендәге премия лауреаты, Башҡортостан Республикаһының атҡаҙанған мәҙәниәт хеҙмәткәре Хисмәт (Хисмәтулла) Юлдашев  60 йәшлек юбилейын билдәләне. 

«Берҙәм Рәсәй» партияһы проекты сиктәрендә ауыл клубтарын төҙөкләндереүгә, сәхнә кейемдәре, музыка ҡоралдары һатып алыуға  46 миллион һум аҡса бүленә. Ярҙам клубтарҙа ремонт уҙғарыу, матди-техник базаны нығытыу һәм музыка ҡоралдары алыу өсөн йүнәлтелә. Тәүге исемлеккә 34 райондың ауыл клубтары эләккән. Шулар иҫәбендә Ейәнсура районының Таҙлар ауыл мәҙәниәт йорто.

Рус, башҡорт, татар йәки сыуаш телдәрендә яҙышҡан иң яҡшы үҙешмәкәр шағирҙар Бәләбәй ҡалаһында үтәсәк “Илһам шишмәләре-2017” гә әҙерләнә. Ошо көндәрҙә бәйгеселәрҙән шиғриәт фестиваленә килгән эштәрҙе ҡарау тамамланды.