Өфөнөң Дим районын скульптор Хәлит Ғатауллиндың яңы эштәре биҙәйәсәк. Уларҙы асыу 1 июнгә планлаштырыла.

29 май баш ҡалабыҙҙың «Родина» кинотеатрында Һиндостан көндәре үтә.

Тамашаға килеүселәрҙең Һиндостандың бай мәҙәни тарихы, ҡыҙыҡлы кешеләр менән танышыу мөмкинселеге бар. Кисәлә шулай уҡ үҙенсәлекле милли аш-һыуҙар тәҡдим ителәсәк.

29 май Ә.-З.Вәлиди исемендәге Милли китапханала«Башҡортостан Республикаһының иң яҡшы китапхана сайты» IV Республика конкурсында еңеүселәрҙе бүләкләү танатанаһы үтә. Иҫегеҙгә төшөрәбеҙ, конкурс 2013 йылдың 26 февраленән 19 апрелгә тиклем дауам итте. 

Башҡортостан Президенты Рөстәм Хәмитов 2013 йылда республикала “Һабантуй” халыҡ байрамын үткәреү тураһындағы Указға ҡул ҡуйҙы. Республика башлығының матбуғат хеҙмәтенән хәбәр итеүҙәренсә, Башҡортостан Хөкүмәтенә район хакимиәттәре менән берлектә байрамды ойоштороуҙы тәьмин итергә ҡушылған.

Тәбиғәттә – илерткес яҙ! Наҙ, матурлыҡ, шатлыҡ һәм бәхеттән туҡылған кеүек һауа. Йөрәктәге яҙ ҡояшының сағыу нурҙарын башҡаларға ла өләшке, кем менәндер ҡыуаныстарҙы уртаҡлашҡы килә. Ошондай мәлдә Мәжит Ғафури исемендәге Башҡорт дәүләт академия драма театры коллективы Татарстанға гастролгә барып, күркәм миҙгелдең сәләмен күрше республика тамашасыһына еткерҙе.

Үткән шәмбе Өфөнөң “Биатлон” спорт комплексы шаулап-гөрләп торҙо: Республика башҡорт лицей-интернаты тәрбиәләнеүселәре ойошторған үҙенсәлекле һабантуйҙы тамаша ҡылырға, төрлө бәйгелә ҡатнашырға олоһо ла, йәше лә килгәйне. 

Краснокама районында Славян яҙмаһы һәм мәҙәниәте көндәре сиктәрендә Никола Вешний фольклор байрамы үтте. 1997 йылдан бирле ойошторолоп килгән сарала быйыл Башҡортостандың төрлө төбәктәренән, Татарстан, Удмурт республикаларынан, Пермь крайынан 30-ҙан ашыу фольклор коллективы ҡатнашты.

БР Мәҙәниәт министрлығы, БР Милли музейы 2013 йылдың 1 майынан 26 декабренә тиклем республикала иғлан ителгән Тирә-яҡ мөхитте һаҡлау йылына арналған «Ерҙең киләсәге – беҙҙең киләсәк» тип аталған Балалар һүрәттәренең асыҡ республика конкурсын уҙғара.

“Театр – зауыҡлыларҙың, фекерҙәштәрҙең байрамса осрашыу майҙаны, күңел бөтәйтеп ҡайтыр урын”, — ти Ғайса Хөсәйенов. Ысынлап та, Салауат башҡорт дәүләт драма театры ҡала башҡорттарының ғына түгел, башҡа милләт вәкилдәренең дә донъя мәшәҡәттәренән арынып, ял итер, фәһем алыр, рух байытыр мәҙәни усағына әүерелгән.

“Йәшлек” гәзите “Бәйләнештә” өп-өр яңы конкурс-акция иғлан итә. “ЙәшлекМән” тип атаныҡ уны. Шарттары бик ябай – баҫмабыҙҙы яратҡанығыҙҙы, уҡығанығыҙҙы ғына күрһәтергә кәрәк. Маҡсаты – “Йәшлек”тең популярлығын арттырыу, таратыу һәм танытыу, һәм, әлбиттә, фотоһәүәҫкәрҙәргә оҫталығын күтәрергә, тәжрибә тупларға булышлыҡ итеү.

Данлыҡлы Бейеү театры тамашасы иғтибарына «Бөрйән ҡыҙҙары», «Башҡортостан», «Ирәндек бөркөттәре», «Бөрйән егеттәре» кеүек киң билдәле бейеүҙәрен, артистарыбыҙ башҡорт һәм татар халыҡ һәм эстрада йырҙарын тәҡдим итәсәк.

Билдәле кутюрье Вячеслав Зайцев Өфө трикотаж фабрикаһы тәҡдим иткән мәктәп формаһы моделдәрен әҙерләүҙә ҡатнашты. Ул баш ҡалабыҙ предприятиеһы хеҙмәткәрҙәренең һөнәри оҫталығына юғары баһа бирҙе.

Башҡортостандың халыҡ шағиры Рәми Ғариповтың ижадына иғтибар артҡандан-арта. Йәне-тәне менән ғәҙеллек өсөн көрәшкән, кешенең күңел сафлығын өлгө итеп ҡуйған әҙиптең әҫәрҙәрендә күрәҙәселек тә бар. “Иң бөйөк һүҙ әле әйтелмәгән, Иң бөйөк көн әле ул алда”, — тип яҙған күптәргә таныш шиғырында.

Башҡортостандың 38 районынан 70 ауыл «Айыҡ ауыл-2013» республика конкурсында ҡатнашырға ғариза тапшырған. Уларҙы ҡабул итеү ошо көндәрҙә тамамланды., конкурс үҙе март айында старт алды.

23–26 май Магнитогорск ҡалаһының И.Х.Ромазан исемендәге Спорт һарайында «Башҡорт тауарҙары көнө» Беренсе Төбәк-ара йәрминкә үтә. Сара Башҡортостан менән Силәбе араһындағы үҙ-ара хеҙмәттәшлек итеү килешеүе буйынса үтә. 

Ошо көндәрҙә театр донъяһына яңылыҡ өҫтәлде: Мәжит Ғафури исемендәге Башҡорт дәүләт академия драма театры Валентин Красногоровтың “Аяуһыҙ һабаҡ” пьесаһы буйынса ҡуйылған “Эксперимент” тип аталған спектакль күрһәтте.

Төрки телле милләттәрҙе берләштереүсе, мәҙәниәт, сәнғәт аша уларҙы тотош донъяға танытыусы халыҡ-ара Төрксой ойошмаһы быйыл үҙенең егерме йыллығын билдәләй. Юбилей йылында ТӨРКСОЙ тарафынан ойошторолған саралар тағы ла йәмлерәк, сағыуыраҡ төҫ ала. 15-нән 19-сы майға тиклем Төркиәнең баш ҡалаһы Анкарала үткән Йәштәр һәм спорт фестивале быға асыҡ миҫал.

Черниковка биҫтәһенең «Меркурий» сауҙа-күңел асыу үҙәгендә 5 заллы яңы кинотеатр асылды. Сараға йыйылыусыларҙы күңелле уйындар һәм «Форсаж 6» фильмының премьераһы көтә ине.

Ҡасим Дәүләткилдеев исемендәге республика сәнғәт интернат-гимназияһы донъяны, тормошто буяуҙарҙа сағылдырырға яратҡан һәләтле балаларҙы уҡырға саҡыра. 2013/2014 уҡыу йылына VI, VII, X синыфтарға уҡыусылар ҡабул итә. 

Мәрхәмәтлек, сафлыҡ, гүзәллек – былар бөтәһе лә бергә атлар изге төшөнсәләр. Донъяны матурлыҡ ҡотҡарыр! Ошо хәҡиҡәткә беҙ, балалар йорто хеҙмәткәрҙәре һәм тәрбиәләнеүселәре, 15 майҙа “Саф” продюссер үҙәге ойошторған “Апай-туған” концертын ҡарап инандыҡ.