25–28 апрель З.Биишева исемендәге «Китап» башҡорт нәшриәт йорто Башҡортостандың көньяҡ-көнсығыш райондары буйлап яҙғы автоуҙыш ойоштора. Сараның маҡсаты – башҡорт әҙәбиәтен популярлаштырыу.

Башҡортостандың һөнәри сәнғәте һәм мәҙәниәте ауыр юғалтыу кисерҙе — 23 апрелдә БАССР-ҙың һәм РСФСР-ҙың халыҡ артисы, М. Ғафури исемендәге Башҡорт дәүләт академия драма театрының күренекле сәхнә оҫтаһы Зинира Ҡасим ҡыҙы Атнабаева 79-сы йәшендә вафат булды. 

Спектакль Бөйөк Ватан һуғышы йылдарында төпкөл башҡорт ауылында тәрбиәләнгән украин ҡыҙы Оксана хаҡында. Башҡорт ерендә Оксана икенсе ғаиләһен табыуға ирешә: яғымлы әсәй, изге күңелле өләсәй, үҙен өҙөлөп яратҡан ағай, ысын дуҫтар. 

Йәш булыуына ҡарамаҫтан, өмөтлө яҙыусы Айгиз Баймөхәмәтовтың "Ҡалдырма, әсәй" әҫәре китап булып баҫылып сыҡты. "Башҡортостан"да өҙөктәр баҫылып сыҡҡас, дауамын һорап, редакцияға шылтыратыуҙар ямғыры ҡойҙо, күптәр Интернет аша әҫәргә ҡарата мөнәсәбәтен белдерҙе.

Башҡортостан халҡына данлыҡлы ҡумыҙсы Миңлеғәфүр Зәйнетдиновтың исеме яҡшы таныш. Хәйер, уның илаһи моңон беҙҙә генә түгел, бөтөн донъяла кинәнеп тыңлайҙар.

Башҡорт һүҙ сәнғәтендә балалар донъяһын яҡтыртҡан әҫәрҙәр бихисап. Балалар һәм үҫмерҙәр өсөн яҙылған әҫәрҙәр өсөн бирелә торған Һ. Дәүләтшина исемендәге Башҡортостан дәүләт премияһы ла ошоно раҫлай.

23 апрель 12.00 сәғәттә З.Биишева исемендәге «Китап» нәшриәтендә Бөтә донъя китап һәм авторлыҡ хоҡуғы көнөнә арналған «Автограф көнө» үтәсәк. Китап байрамында һәр теләгән кеше ҡатнаша ала.

Сараны ҡаланың мәҙәниәт комитеты һәм Башҡортостандың вәкиллеге ярҙамында Санкт-Петербург башҡорттары ҡоролтайы (конгресы) үткәрҙе. Байрам сиктәрендә Мостай Кәрим әҫәре буйынса «Башҡортостан» киностудияһы төшөргән «Оҙон-оҙаҡ бала саҡ» фильмы күрһәтелде.

БР Мәҙәниәт министрлығы, Республика халыҡ ижады үҙәге, БР Милли музейы, БР Милли китапханаһы яңы бәйге иғлан итә. 1 апрелдән Башҡортостан Республикаһының мәғрифәтселәре һәм арҙаҡлы мәҙәниәт һәм сәнғәт эшмәкәрҙәренең шәжәрәһен төҙөү буйынса "Шәжәрә" республика конкурсына ғаризалар ҡабул итеү башланды.

Зәйнәб Биишева исемендәге “Китап” нәшриәте әленән-әле өр-яңы баҫмалар сығарып ҡыуандырып тора. Әҫәрҙәрме, яҙыусы, шағирҙар хаҡында альбомдар булһынмы — зауыҡ менән биҙәлеп, сифатлы ҡағыҙҙа донъя күрә.

Бөгөн Стәрлетамаҡ башҡорт драма театрының Өфө сәхнәһендә 16 апрелдән башланған гастролдәре тамамлана. Һуңғы көндө театр тамашасыһын Мостай Кәрим пьесаһы буйынса «Ҡыҙ урлау» комедияһы менән ҡыуандырасаҡ (режиссеры – Рөстәм Хәкимов).

Башҡортостандың ете төбәге һәм Силәбе өлкәһенең Арғаяш, Ҡоншаҡ райондары башҡорттары Дыуан районы үҙәгендә осрашты. Ҡан-ҡәрҙәштәр милләтте борсоған көнүҙәк проблемалар, хәл итәһе мәсьәләләр хаҡында фекер алышты. 

Был хаҡта указға Президент Владимир Путин ҡул ҡуйҙы. Сара йәмғиәттең иғтибарын мәҙәниәт үҫеше проблемаларына йүнәлтеү, уларҙы хәл итеү, рәсәйҙең мәҙәни-тарихи мираҫын һаҡлап ҡалыу кеүек маҡсаттар ҡуя. 

16 апрелдән башлап 23 апрелгә тиклем баш ҡалабыҙ тамашасыһына яҙғы бүләк итеп Стәрлетамаҡ дәүләт башҡорт драма театры Мәжит Ғафури исемендәге башҡорт дәүләт академия драма театры сәхнәһендә үҙ спектаклдәрен тәҡдим итә!

Яҙыусылар союзында 75 йәшен туйлаусы шағир, яҙыусы, тәржемәсе Роберт Палгә арналған байрам сараһы үтте. Юбилярҙы ҡотларға Роберт Васильевичтың яҡындары, ҡәләмдәштәре һәм уның ижадын үҙ итеүселәр йыйылды.

Асҡын районында Яҙыусылар берлеге рәйесе урынбаҫары Ф. Ғөбәйҙуллина етәкселегендә бер төркөм ҡәләм оҫталары Башҡорт әҙәбиәте көндәре уҙғарҙы. Яҙыусыларҙы район сигендә үк икмәк-тоҙ менән ҡаршы алдылар.

22 апрель «Һаумы, һаумы, әкиәт!» йәш башҡарыусылар ҡала конкурсының йомғаҡлау концерты үтәсәк. Быйылғы йылда әкиәт байрамында 600 яҡын бала ҡатнашты. Финалға 68 бала һәм 8 фольклор коллективтары сыҡты. 

21 апрель Конгрес-холл сәхнәһендә башҡорт һәм татар КВН командалары араһында «Шаян уйын–2013» Республика юмор һәм көлкө фестиваленең Гала-концерты үтә. Сараны БР Йәштәр сәйәсәте һәм спорт министрлығы үткәрә.

Бөтә донъя башҡорттары ҡоролтайының башҡарма комитеты йыл башында башҡорт ырыуҙары йыйындарын уҙғарыу башланғысы менән сыҡҡайны. Әйле ырыуының йыйынын үткәреү буйынса март башында ойоштороу комитеты төҙөлдө һәм уның рәйесе итеп “Янғантау” шифаханаһы директоры Энгельс Ҡолмөхәмәтов тәғәйенләнде. 

19 апрель 19.00 сәғәттә «Нур» Өфө дәүләт татар театрында театр артистары ҡатнашлығында «Нурлы сәфәр» тип аталған театрлаштырылған тамаша үтә.Тамашала яңғыраясаҡ барлыҡ музыкаль әҫәрҙәр билгеле бер сюжетҡа ҡоролған.