Художестволы гимнастика буйынса алты тапҡыр донъя чемпионы Ләйсән Үтәшева — милләтебеҙҙең ғорурлығы. Уның 2008 йылда Мәскәүҙә донъя күргән "Несломленная" тигән автобиографик китабы Рәсәй уҡыусылары араһында ҙур ҡыҙыҡһыныу тыуҙырғайны.

Башҡортостандың халыҡ яҙыусыһы, драматург Флорид Бүләковтың «Изге эш» пьесаһын Финляндияның Йоэнсуу һәм Варкаус ҡалаларында Карелияның Милли театры сәхнәләштерәсәк. Был спектакль театрҙа бик популяр икән, шуға күрә уны фин тамашасыһына күрһәтергә булғандар.

Милләтебеҙ балҡышы Илдар Абдразаҡов 2011/12 йыл сезонында «Алтын битлек» («Золотая маска») милли театраль премияға лайыҡ булды. Ул «Опера/Ир-егет роле» номинацияһында еңеү яуланы.

18 апрелдә Башҡорт дәүләт университетының тамаша залында «Күп милләтле дәүләт шарттарында туған телде, әҙәбиәтте һаҡлау һәм үҫтереү: проблемалар һәм перспективалар» тип аталған халыҡ-ара ғилми-ғәмәли конференция уҙғарыла. 

18–23 апрель Мәжит Ғафури исемендәге Башҡорт академия драма театры Татарстандың баш ҡалаһы Ҡазанда гастролдәр менән сығыш яһай. Театр һөйөүселәргә репертуарҙан иң яңы спектаклдәр тәҡдим ителәсәк.

18 апрель «Нефтселәр» мәҙәниәт һарайында 19.00 сәғәттә «Тамыр» телеканалының мәрхәмәтлек концерты уҙасаҡ. Телеканал директоры Гөлназ Ҡолһарина хәбәр итеүенсә, концерттан килгән аҡса Баймаҡ районынан Батыр Маскаровты дауалауға китәсәк. 

17–19 апрель Ғабдулла Кариев исемендәге Ҡазан йәштәр театры йәнә Өфө тамашасыһын ҡыуандырмаҡсы. Гастролдәр «Нур» Өфө дәүләт татар театры сәхнәһендә үтәсәк, артистар унда 6 спектакль күрһәтәсәк.

17–24 апрель Башҡорт дәүләт опера һәм балет театрында Рудольф Нуриев исемендәге XIX Халыҡ-ара балет сәнғәте фестивале үтәсәк. Быйыл ул бөйөк бейеүсенең 75 йәшенә арнала. Байрам тантанаһы 17 апрель 17.30 сәғәттә бейеүсенең барельефына сәскәләр һалыуҙан башланасаҡ.

Стәрлетамаҡ башҡорт драма театры сәхнәһендә Леонард Герштың әҫәре буйынса ҡуйылған «Ирекле күбәләктәр» исемле был спектаклгә тамаша ҡылып, күптәр ер йөҙөндә йәшәүҙең мәғәнәһе хаҡында ҡайтанан уйланмай ҡалмағандыр.

"Рамазан" үҙәге 12 майҙа Башҡорт дәүләт опера һәм балет театрында уҙасаҡ "Бер алманы бишкә бүләйек" исемле әҙәби-музыкаль кисәгә саҡыра. Татарстандың халыҡ шағиры Рәзил Вәлиев ижадына бағышланған кисәгә — рәхим итегеҙ!

Башҡортостан Хөкүмәтендә “Айыҡ ауыл-2013” республика конкурсына әҙерләнеү һәм уны үткәреү буйынса ойоштороу комитеты ултырышы булды. Кәңәшмәлә республика министрлыҡтары, Бөтә донъя башҡорттары ҡоролтайы һәм йәмәғәт ойошмалары вәкилдәре ҡатнашты.

Матур байрамды Немец киноһы аҙналығы асып ебәрҙе. Уның ойоштороусылары Ә.-З.Вәлиди исемендәге Милли китапхананың немец уҡыу залы, Гете институты (Мәскәү), Hallo Deutsch немец телен өйрәнеү үҙәге. Аҙна буйына Өфө халҡы төрлө жанрҙағы иң яҡшы картиналарҙы ҡарай аласаҡ.

М.Кәрим исемендәге Милли йәштәр театры «Рәсәй Федерацияһы башҡорттары» 2008–2017 й.й. иҫәпләнгән дәүләт программаһына ярашлы, гастролдәр менән Татарстан Республикаһына сыға.

“Берҙәм Рәсәй” сәйәси партияһының Башҡортостан төбәк бүлексәһе «Балаларға — китап» тигән яңы социаль проект башлай. 

Проекттың маҡсаты — балалар йорттары, интернаттар, дауаханалар, ауыл мәктәптәре китапханаларын матур әҙәбиәт менән тулыландырыу. 

15–19 апрель «Родина» кинотеатрында Немец мәҙәниәте көндәренә арналған кино фестивале үтә. Ҡала халҡы аҙна буйына немец фильмдарын ҡарап кинәнә аласаҡ. Унда төрлө жанрҙағы – мелодрама, драма, комедия – фильмдар күрһәтеләсәк.

Силәбе өлкәһендә «Шәжәрә» журналы, «Әрғужа», «Аҡ тирмә», «Башҡорт74.РФ» гәзиттәре сыға башланы. Был баҫмалар ошо төбәктә йәшәгән милләтәштәребеҙ көнкүрешен хәбәр итә.

90-сы йылдар башынан үткәрелеп килгән «Берҙәмлек – Содружество» Халыҡ-ара фестивале республикабыҙҙа мөһим сараларҙың береһе булып иҫәпләнә. Ул халыҡ ижадын, кәсептәрен, биҙәү-ҡулланма сәнғәтен популярлаштырыу, ижади бәйләнештәр булдырыу, күп милләтле мәҙәниәттәр, уларҙың традициялары менән танышыу кеүек маҡсаттар ҡуя.  

“Ҡурай” йыр-моң каналы 13 апрелдә “Нефтсе” мәҙәниәт һарайында “Иман нуры — халҡыма” тип аталған хәйриә концертын тәҡдим итә. 

Унда Башҡортостандың һәм Татарстандың сағыу йондоҙҙары ҡатнаша.

2013 йылдың 19 апрель төнөнән 20 апреленә тиклем Өфөлә «Библиотөн» Бөтә Рәсәй акцияһы уҙасаҡ. Ә.-З. Вәлиди исемендәге Милли китапхана ла был акциянан ситтә ҡалмай – «Библиоарбат» программаһын тәҡдим итә. 

12 апрель М.Ғафури исемендәге Башҡорт академия драма театры сәхнәһендә Башҡортостандың халыҡ артисы Светлана Хәкимованың «Моңомда – яҙ һулышы» тип аталған концерт программаһы үтә. Тамашаның режиссеры – Сулпан Асҡарова, сценарий авторы – Гөлназ Ҡотоева.